Сергей Лавров Хитой ташқи ишлар вазири Ван И билан учрашди. Бу ҳақда “ТАСС” хабар берди. Учрашув чоршанба куни Хитой шарқидаги Туньси шаҳрида бўлиб ўтган.
“Йил бошидан буён Хитой-Россия муносабатлари халқаро вазиятнинг ўзгариши фонидаги синовларни енгиб ўтди. Биз тўғри йўналишни сақлаб қолдик, қатъий ривожланиш тенденцияларини намойиш этдик”, – деган Ван И.
Унинг қўшимча қилишича, икки давлатнинг ўзаро алоқаларни ривожлантиришга ҳаракатлари янада қатъийлашган. Вазирнинг сўзларига кўра, Хитой томони бунга катта аҳамият бермоқда. Шу билан бирга дипломат Сергей Лавровни “эски дўст” деб атаган.
Лавров 31 март куни Афғонистон билан қўшни давлатлар конференциясида иштирок этиш учун Хитойга келган.
Аввалроқ РФ ташқи ишлар вазири АҚШни қатор давлатлар сиёсатига таъсир ўтказа олмаслигини маълум қилганди.