Ijtimoiy tarmoqlarda Majburoiy ijro byurosining Bosh prokuratura bo‘ysinuvidan chiqishi va Byuro organlarining qayta isloh qilinishi haqidagi xabarlar tarqaldi. Holat yuzasidan byuro matbuot xizmati rasmiy munosabat bildirdi.
Maʼlum qilinishicha, ushbu xabarlar haqiqatga to‘g‘ri kelmaydi. Sud hujjatlari va boshqa organlar hujjatlarining so‘zsiz ijrosini taʼminlash Byuroning asosiy vazifalaridan biri etib belgilangan.
Tahlillardan kelib chiqib, sohaga zamonaviy axborot-kommunikatsiya texnologiyalari imkoniyatlaridan kengroq foydalanish orqali majburiy ijro tizimi tezkorligi va samaradorligini yana-da oshirishga qaratilgan takliflar tayyorlanmoqda.
“Byuro faoliyatini takomillashtirishda Agentlik sifatida qayta tashkil etish ko‘zda tutilmagan”, — deyiladi xabarda.