Bugun, 25-sentabrga o‘tar kechasi ilk bor Birlashgan Arab Amirliklaridan “Flydubai” aviakompaniyasining samolyoti Namangan xalqaro aeroportiga kelib qo‘ndi. Bu haqda Namangan viloyati hokimligi matbuot xizmati xabar bermoqda.
Aviakompaniyaning “Boeing—737” rusumli havo kemasida Dubay—Namangan yo‘nalishida yigirmaga yaqin yo‘lovchini O‘zbekistonga olib kelgan. Shundan so‘ng Namangan shahridan Dubay shahriga 189 kishi jo‘nab ketgan.
Dubay—Namangan yo‘nalishidagi pavozlar haftaning chorshanba va shanba kunlari, Namangan—Dubay yo‘nalishidagi aviaqatnovlar esa payshanba va yakshanba kunlari amalga oshirilishi rejalashtirilgan.
Ma’lumot uchun: bugungi kunda “Flydubai” aviakompaniyasi Toshkent va Samarqand shaharlariga muntazam aviaqatnovlarni amalga oshirib kelmoqda.