Namangan viloyati Chust tumanida 14 yoshli qiz devor bosib qolishi oqibatida vafot etdi.
Xabarlarga ko‘ra, 17 iyun kuni soat 16:00 larda Chust tumani Toymosobod mahallasida yashagan 14 va 16 yoshli qizlarni kuchli yomg‘ir oqibatida qulab tushgan devor bosib qolgan. Qizlardan biri voqea joyida vafot etgan, ikkinchisi esa tan jarohati olib, tuman tibbiyot birlashmasiga yotqizilgan.
Hodisa joyi tuman prokurori rahbarligidagi tezkor tergov guruhi aʼzolari tomonidan ko‘zdan kechirilib, protsessual hujjatlar rasmiylashtirgan.