Наманган вилояти Чуст туманида 14 ёшли қиз девор босиб қолиши оқибатида вафот этди.
Хабарларга кўра, 17 июнь куни соат 16:00 ларда Чуст тумани Тоймособод маҳалласида яшаган 14 ва 16 ёшли қизларни кучли ёмғир оқибатида қулаб тушган девор босиб қолган. Қизлардан бири воқеа жойида вафот этган, иккинчиси эса тан жароҳати олиб, туман тиббиёт бирлашмасига ётқизилган.
Ҳодиса жойи туман прокурори раҳбарлигидаги тезкор тергов гуруҳи аъзолари томонидан кўздан кечирилиб, процессуал ҳужжатлар расмийлаштирган.