Avvalroq Namangan viloyatining Chust tumanida 71 nafar bola doridan zaharlangani xabar qilingandi. Bosh prokuratura holat yuzasidan qo‘shimcha maʼlumot berdi.
Qayd etilishicha, Namangan viloyatida bolalar zaharlanganligi holati yuzasidan Jinoyat kodeksining 257-1-moddasi (Sanitariyaga oid qonunchilikni yoki epidemiyaga qarshi kurash qoidalarini buzish) bilan jinoyat ishi qo‘zg‘atilgan. Hozirda tergov olib borilmoqda.
Eslatib o‘tamiz, kecha Prezident yordamchisi Saida Mirziyoyeva davlat rahbarining topshirig‘i bilan Namanganga tashrif buyurib, bolalar holidan xabar olgandi.