Наманганда болалар заҳарланиши ортидан жиноий иш очилди
Ҳолат бўйича БП қўшимча маълумот берди.
Аввалроқ Наманган вилоятининг Чуст туманида 71 нафар бола доридан заҳарлангани хабар қилинганди. Бош прокуратура ҳолат юзасидан қўшимча маълумот берди.
Қайд этилишича, Наманган вилоятида болалар заҳарланганлиги ҳолати юзасидан Жиноят кодексининг 257-1-моддаси (Санитарияга оид қонунчиликни ёки эпидемияга қарши кураш қоидаларини бузиш) билан жиноят иши қўзғатилган. Ҳозирда тергов олиб борилмоқда.
Эслатиб ўтамиз, кеча Президент ёрдамчиси Саида Мирзиёева давлат раҳбарининг топшириғи билан Наманганга ташриф буюриб, болалар ҳолидан хабар олганди.
