Bugun, 7-fevral kuni soat 07:30 larda Namangan viloyati Kosonsoy tumani “Nurobod” MFY Navbahor ko‘chasi raqamsiz yashash uyida, gaz-havo aralashmasining chaqnashi sodir bo‘lgandi. Oqibatda 4 nafar shaxs turli tan jarohati olgani aytilgan.
Ko‘rsatilgan tez-tibbiy muolajalarga qaramasdan ularning 1 nafari shifoxonada vafot etgan.
Mazkur holat yuzasidan Kosonsoy tuman prokuraturasi tomonidan Jinoyat kodeksining 258-moddasi 2-qismi “a” bandi (Tog‘-kon, qurilish yoki portlatish ishlari xavfsizligi qoidalarini buzish) bilan jinoyat ishi qo‘zg‘atildi.
Tergov harakatlari olib borilmoqda.