22-fevral kuni Namangan viloyati Uychi tumanida sodir bo‘lgan yo‘l-transport hodisasi voyaga yetmagan piyodaning hayotiga zomin bo‘ldi. Viloyat YHXB xabariga ko‘ra, Yakkatut mahallasidan o‘tgan D-109 avtomobil yo‘lida yuqori tezlikda harakatlangan Lacetti avtomashinasi yo‘lni belgilanmagan joydan kesib o‘tayotgan 11 yoshli qizni urib yuborgan.
Og‘ir jarohatlar olgan jabrlanuvchi shifoxonaga yetkazilgan, biroq shifokorlar uning hayotini saqlab qola olishmagan.
Hodisa yuzasidan tergovga qadar tekshiruv ishlari olib borilmoqda.