Majburiy ijro byurosi Namangan viloyati Uchqo‘rg‘on tuman bo‘limi tomonidan olib borilgan ijro harakatlari natijasida qarzdor shaxsdan 2 nafar voyaga yetmagan farzandi foydasiga jami 92 million so‘m aliment qarzdorligi to‘liq undirib berildi.
Maʼlumki, aliment to‘lovlari farzandlarning munosib tarbiya olishi, taʼlim va kundalik ehtiyojlarini qondirishda muhim ahamiyat kasb etadi. Shu bois Majburiy ijro byurosi tomonidan aliment qarzdorliklarini undirish masalasi doimiy nazoratga olingan bo‘lib, har bir ish qonun talablari asosida qatʼiy choralar ko‘rilgan holda hal etib kelinmoqda.
Yangi yil bayrami arafasida mazkur mablag‘larning undirilishi farzandlar va ularning oilasi uchun haqiqiy bayram sovg‘asi bo‘ldi. Bu esa qonun ustuvorligi va bolalar huquqlari davlat himoyasida ekanining yana bir yaqqol tasdig‘idir.
Majburiy ijro byurosi tomonidan kelgusida ham aliment to‘lovlari bo‘yicha qarzdorliklarga nisbatan qatʼiy va taʼsirchan choralar ko‘rilishi davom ettiriladi.