Ijtimoiy tarmoqlarda Namangandagi qamoqxonada mahkum o‘z joniga qasd qilgani haqida xabar tarqaldi. Unda marhumning onasi tomonidan o‘g‘lining tanasida qiynoq izlari borligi qayd etilganligi maʼlum qilingan.
Mazkur holat Oliy Majlisning Inson huquqlari bo‘yicha vakili (ombudsman) nazoratiga olingani maʼlum qilindi. Hozirda holat Ombudsmanning Namangan viloyatidagi mintaqaviy vakili tomonidan joyiga borib o‘rganilmoqda.
O‘rganish yakunlari bo‘yicha jamoatchilikka qo‘shimcha maʼlumot berilishi aytilgan.