Наманганда маҳбус жонига қасд қилгани айтилди
Ҳозирда ҳолат Омбудсман томонидан ўрганилмоқда.
Ижтимоий тармоқларда Намангандаги қамоқхонада маҳкум ўз жонига қасд қилгани ҳақида хабар тарқалди. Унда марҳумнинг онаси томонидан ўғлининг танасида қийноқ излари борлиги қайд этилганлиги маълум қилинган.
Мазкур ҳолат Олий Мажлиснинг Инсон ҳуқуқлари бўйича вакили (омбудсман) назоратига олингани маълум қилинди. Ҳозирда ҳолат Омбудсманнинг Наманган вилоятидаги минтақавий вакили томонидан жойига бориб ўрганилмоқда.
Ўрганиш якунлари бўйича жамоатчиликка қўшимча маълумот берилиши айтилган.
