28 fevral kuni Belarus Ukrainaga qo‘shin kiritishi mumkin. Bu haqda AQSH prezidenti administratsiyasiga tayanib, The Washington Post xabar berdi.
Vashington fikricha, Belarus dushanba kuniyoq qo‘shin kiritadi. "Minsk endilikda Kremlning davomi ekani aniq",– degan ismi sir qolishni istagan Oq uy amaldori.
Maʼlumot o‘rnida: 24 fevral kuni Rossiya Ukraina sharqida maxsus operatsiya boshlashini eʼlon qildi. Hozirda mamlakatning turli nuqtalarida janglar ketmoqda. G‘arb bunga javoban Moskvaga sanksiyalar joriy etdi. Qora ro‘yxatda Putin, RF tashqi ishlar vaziri Sergey Lavrov va boshqa ko‘plab oliy martabali amaldorlar ham bor.
27 fevral kuni Ukraina tomoni Belarusda Rossiya bilan muzokara o‘tkazishga jo‘nab ketdi.
Eslatib o‘tamiz, avvalroq Putinning matbuot kotibiga qarshi sanksiyalar joriy etilishi mumkinligi to‘g‘risida xabar berilgandi.