Isroil bosh vaziri Benyamin Netanyaxuning BMTdagi nutqi davomida 77 ta davlat delegatsiyasi zalda bo‘lmagan yoki chiqib ketgan. Bu haqida Isroil rasmiysi maʼlum qildi.
Delegatsiyalar orasida Isroil qo‘shnilari – Misr, Iordaniya, Livan va Suriya, shuningdek Eron, Turkiya va Saudiya Arabistoni ham bor. Rasmiylar taʼkidlashicha, ayrimlari shunchaki ertalabki majlisga kelmagan, Netanyaxuning nutqi esa kun tartibida birinchilardan bo‘lgan.
Masalan, Pokiston delegatsiyasi nutq boshlanishida zalni tark etdi, ammo tashqarida qolib kuzatgan.
Shu bilan birga, Bahrayn va BAA – 2020 yilgi «Abram» kelishuvining imzochilari – zalda qolib, nutqni tinglashni maʼqul ko‘rishdi. Bu Isroil bilan munosabatlarda sovuqchilik bo‘lishiga qaramay kuzatildi.
Netanyaxuning nutqidan ko‘ra zalning bo‘shab qolishi xalqaro va arab matbuotida asosiy voqea sifatida keng yoritildi. Isroil esa qatnashmagan yoki chiqib ketgan 77 davlatning to‘liq ro‘yxatini eʼlon qildi. Ular orasida Markaziy Osiyo davlatlari, jumladan, O‘zbekiston, Qirg‘iziston va Turkmaniston davlatlari ham bor.