Braziliyalik hujumchi Neymar Saudiya Arabistoni chempionatini tark etishi mumkin. Bu haqda "Sport.es" nashri xabar berdi.
Manbaga ko'ra, Neymar 2026-yilda bo'lib o'tadigan navbatdagi jahon chempionatida ishtirok etishga munosib tayyorgarlik ko'rish uchun kelasi mavsum yakunida Braziliyaning "Santos" klubiga qaytish niyatida.
Qayd etilishicha, Neymarning atrofidagilar u "Al-Hilol" bilan to'rt yillik emas, balki bir yillik shartnoma imzolaganini ta'kidlamoqda.
Shuningdek, Neymar JCh-2026 boshlanishidan bir yil avval “Santos”ga klubga qaytish iltimosi bilan shaxsan murojaat qilgani xabar qilingan.
Eslatib o‘tamiz, Neymar yozgi transfer oynasida “Al-Hilol”ga o‘tgan edi. Joriy mavsumda Neymar klub safida uchta o‘yin o‘tkazib, ikkita golli uzatmani amalga oshirdi.