AQSH prezidenti Donald Tramp immigratsiya qonunlariga rioya qilmaydigan shtatlar uchun federal mablag‘lar ajratilishi to‘xtatilishini maʼlum qildi. Uning so‘zlariga ko‘ra, ushbu choralar 1-fevraldan kuchga kiradi.
Tramp Truth Sosial ijtimoiy tarmog‘idagi bayonotida noqonuniy muhojirlarga boshpana beruvchi hududlarga davlat tomonidan moliyaviy yordam ko‘rsatilmasligini taʼkidladi. “1-fevraldan boshlab federal hukumat boshpana shaharlari va noqonuniy muhojirlarni saqlash bilan bog‘liq barcha to‘lovlarni to‘xtatadi. Bunday hududlar faqat jinoyatchilik va zo‘ravonlikni keltirib chiqaradi”, — deb yozdi u.
Avvalroq xorijiy ommaviy axborot vositalari Tramp maʼmuriyati immigratsiya qonunlariga amal qilmagani sababli AQSHning 30 shtatidagi ayrim shahar va okruglardan federal mablag‘larni qaytarib olishi mumkinligini xabar qilgan edi.