Norvegiya Rossiya Federasiyasi bilan chegarada xavfsizlik choralari kuchaytirilishini ma’lum qildi. Bu haqda “Interfaks” nashri yozmoqda.
Qayd etilishicha, kuchaytirilgan nazorat safarbarlik va Rossiya fuqarolarining mamlakatga kirishini taqiqlash bilan bog‘liq. Hozirda Storskog nazorat punktidan tashqarida chegarani noqonuniy kesib o‘tish xavfi oshgan.
“Norvegiya hukumati zarurat tug‘ilganda chegarani tezda yopishga tayyor”, — deyiladi TIV xabarida.
Finlyandiya esa rossiyaliklarning safarbarlikdan ommaviy ravishda qochib ketayotgani sababli Rossiya bilan chegaraning bir qismida to‘siq qurishni rejalashtirmoqda.