Qarorga ko‘ra, 2023 yil 1 sentyabrdan respublikaning barcha 16 ta “Nurli maskan” ixtisoslashtirilgan maktab-internatlarida maxsus o‘quv ishlab chiqarish korxonalari faoliyati yo‘lga qo‘yiladi.
Maqsad ko‘zi ojiz va ko‘rishda nuqsoni bo‘lgan bolalarning jamiyatdagi o‘rnini mustahkamlash, ularni kasb-hunarga o‘rgatish hamda kasb egallashiga ko‘maklashish, ijtimoiy hayotga tayyorlab borishdan iborat.
Maʼlumot o‘rnida, o‘quv ishlab chiqarish korxonasi bunga qadar Andijon viloyatining 16-sonli “Nurli maskan” ixtisoslashtirilgan maktab-internatida tajriba-sinov tariqasida tashkil etilgan.