Koronavirusning yangi “omikron” shtammi pandemiyani tugatishi mumkin, – dedi Gamaleya nomidagi Immunologiya markazi virusologi Anatoliy Altshteyn
Professorning so‘zlariga ko‘ra, omikron-shtamm aniqlanganiga yaqinda bir oy bo‘ladi, lekin o‘tgan vaqt ichida omikron-shtammi yuqqan bemorlarning birortasida kasallik og‘ir kechgani yoki o‘lim holatlari bo‘lgani kuzatilmagan. Lekin shu bilan birga ushbu shtamm o‘ta yuqumliligi aniqlangan.
“Omikron odamlarga yuqadi, biz yengil ko‘rinishdagi kasallarni ko‘ramiz va shundan so‘ng hech qanday koronavirus bizga xavfli bo‘lmaydi”, – deydi virusolog.
O‘ta yuqumlilik - yangi virus xususiyatlaridan biri. Bu yangi virusning S-oqsilida mutatsiyalar juda ko‘pligi bilan izohlanadi. Ya’ni virusning genomi barqaror bo‘lmasa, kasallik og‘ir oqibatlarga olib kelmaydi.
Eslatib o‘tamiz, koronavirusning yangi B.1.1.529 shtammi ilk bor Botsvanada 11-noyabr kuni aniqlangan edi. Bugungi kunda omikron 27 ta davlat hududida aniqlangan.
Javohirbek Tursunov