Qayd etilishicha, 26 noyabr kuni Oqqo‘rg‘on tumani hududidagi “Sultonobod” mahallasi, Sultonobod ko‘chasida fuqaro Sh.D. xonadonida fojea yuz berdi.
Maʼlum bo‘lishicha, shu xonodonda yashovchi o‘g‘il va kelin baxtsiz hodisa (birlamchi xulosaga ko‘ra, is gazi) oqibatida vafot etgan.
Hozirda Oqqo‘rg‘on tumani hokimining tegishli qarori bilan ushbu hodisaning sabablarini tekshirish bo‘yicha tuman komissiyasi tarkibi tasdiqlandi.
Eslatib o‘tamiz, avvalroq Farg‘onada ota-bola is gazidan vafot etgani hamda O‘rta Chirchiq tumanida 13 yoshli qizcha is gazidan zaharlanib, vafot etgani haqida xabar berilgandi.
Cho‘lponoy Ahmedova