Bugun, 24-mart kuni taxminan soat 17:30 da O‘rta Chirchiq tumanida Nexia 2 va Cobalt avtomobillari to‘qnashib, yo‘l-transport hodisasi yuz berdi.
Dastlabki ma’lumotlarga ko‘ra, Nexia 2 burilish joyidan qayrilib olayotgan vaqtda Cobalt avtomobili bilan to‘qnashgan. Hodisa natijasida Nexia 2 avtomobilida yong‘in kelib chiqqan, ammo harakat ishtirokchilarining sog‘lig‘iga zarar yetmagan.
IIB matbuot xizmatining xabar berishicha, yong‘in to‘liq o‘chirilgan va holat yuzasidan O‘rta Chirchiq tumani Yo‘l harakati xavfsizligi bo‘limi tomonidan surishtiruv ishlari olib borilmoqda.