Agar sizda bu muammo allaqchon boshlangan bo‘lsa, undan xalos bo‘lish uchun dori vositalariga murojaat qilishdan avval oddiy mashqlarni bajarib ko‘rgan maʼqul. Masalan:
— Meʼyoridan ortiq ovqat tanovvul qilgach, o‘zingizni lohas his qilayotgan bo‘lsangiz, darhol toza havoda sayr qiling. Yengil gimnastik mashqlarni bajaring.
— Chuqur-chuqur nafas olish ham ovqat hazmini yaxshilashga yordam beradi: bunda qo‘llar bosh ustida birlashtirilib, yuqoriga 15-20 marta tortiladi.
— Qo‘llar yuqorida jipslashtirilgancha o‘ngga-chapga egilishdan iborat yengil mashqlar ham hazm qilish jarayonini tezlashtirishda sizga as qotadi.
— Oshqozonda og‘irlik hissi yo‘qolmaguncha yotib olmang. Ko‘p yeb qo‘yish holatida sut-qatiq mahsulotlarini isteʼmol qilish yoki ko‘k choy ichish ham hazmi taomga yordam beradi.
— Yuqoridagi tavsiyalardan ham ko‘ra, sizga salomatligingiz haqida doimiy qayg‘urishni v taomlanishga o‘tirganingizda irodangizni jilovlaashni tavsiya qilamiz. Doimiy og‘ir ovqatlar bilan oshqozonni qiynash ham yaxshilikka olib kelmaydi.
Oshqozoningizga doimo g‘amxo‘r bo‘ling.Uni zararlantirib qo‘ymang!