May oyi boshida Boku va Yerevan vakillari Bryusselda uchrashadi. Bu haqda Ozarbayjon prezidenti Ilhom Aliyev maʼlum qildi.
"May boshlarida Bryusselda Ozarbayjon va Armaniston vakillari uchrashuvini tashkillashtirish rejalari bor", — degan u Bokudagi xalqaro konferensiyadagi chiqishida.
Shuningdek, Aliyev Yevropa Ittifoqini Ozarbayjon uchun muhim hamkor deb atagan.
"Biz Yevroittifoqni halol o‘yinchi sifatida bilamiz va uning harakatlarini qo‘llab-quvvatlaymiz. Agar YEXHT Minsk guruhi ishlamasa, biz YEIning Armaniston bilan munosabatlarda muhim rol o‘ynaydi, deb hisoblaymiz", — deb qo‘shimcha qilgan Ozarbayjon yetakchisi.
Avvalroq Armaniston va Ozarbayjon TIV rahbarlari uchrashuvi bo‘lib o‘tgani to‘g‘risida xabar berilgandi.