Ozarbayjonning Ag'dam shahrida olib borilgan qazish jarayonlari davomida odam skeletining qoldiqlari topilgani haqida ma’lum qilindi. Hodisa bo‘yicha dastlabki xabarni Oxu.Az e’lon qilgan.
Ma’lumotlarga ko‘ra, topilgan qoldiqlar qazish ishlari chog‘ida aniqlangan va darhol tegishli idoralarga xabar berilgan. Mutaxassislar tomonidan joy ko‘zdan kechirilgan va dastlabki tekshiruvlar boshlab yuborilgan.
Hozirda mazkur holat yuzasidan tergov harakatlari olib borilmoqda. Qoldiqlarning kimga tegishli ekani va ular qachon yerga qo‘yilgani aniqlanishi uchun ekspertiza tayinlangan.