“Qochqinlarning yangi guruhi Termizga samolyotlarda olib kelindi, ularning PZR-testlari manfiy natija berdi. Ular nima uchun qo‘riqlanayotgan hududga joylashtirilgani nomaʼlum”, - deyiladi manbada.
Juma kuni O‘zbekiston TIV afg‘onistonlik 150 nafar qochqin xavfsizligi kafolatlanganidan so‘ng o‘z mamlakatiga qaytarilgani haqida xabar bergandi.
Hozirda G‘arb mamlakatlari Afg‘onistondan o‘z fuqarolari va diplomatik vakolatxonalari xodimlarini hamda ular bilan hamkorlik qilgan mahalliy aholini evakuatsiya qilishda davom etmoqda.