O‘zbekiston Kaspiy dengizi orqali Yevropaga tovarlar yetkazib berishni boshladi.
Mis konsentrati ortilgan birinchi tarkib jami 4 ming kilometr masofani bosib o‘tadi.
Konteynerli poyezd “O‘zbekiston-Turkmaniston-Ozarbayjon-Gruziya-Bolgariya/Yevropa” marshruti orqali YеI hududiga boradi.
O‘zbekiston bir necha bor Transkaspiy yo‘lagi orqali Sharq va G‘arb o‘rtasidagi savdoni kuchaytirishga chaqirgandi. Noyabr oyida Samarqandda bo‘lib o‘tgan TDT davlat rahbarlari sammitida Shavkat Mirziyoyev ushbu xalqaro transport koridori imkoniyatlarining 10 foizidan foydalanilayotganini aytgandi.