O‘zbekiston Tashqi ishlar vazirligi Ozarbayjon Respublikasi Elchixonalariga uyushtirilgan hujum yuzasidan munosabat bildirdi. Bu haqda vazirlik rasmiy saytida bayonot e’lon qilindi.
Vazirlik 4-avgust kuni Ozarbayjonning Buyuk Britaniya va Shimoliy Irlandiya Birlashgan Qirolligidagi Elchixonasiga g‘arazli maqsadda uyushtirilgan hujumni qat’iy qoralagan.
“Diplomatik vakolatxonalar xodimlarining hayoti va salomatligiga tahdid soladigan har qanday xatti-harakatlarni mutlaqo qabul qilib bo‘lmaydi”, — deyiladi xabarda.
Bayonotda hodisani har tomonlama tekshirish va barcha aloqadorlarni javobgarlikka tortishga chaqirilgan.
Shuningdek, O‘zbekiston tomoni qardosh Ozarbayjonni xorijdagi fuqarolarining xavfsizligi va himoyasini ta’minlashda qo‘llab-quvvatlashini bildirgan.