Yil boshidan buyon O‘zbekistonda jinsiy zo‘ravonlikdan jabr ko‘rgan bolalar soni ochiqlandi.
Oliy sud matbuot xizmatiga tayanib, "Nemolchi.uz" loyihasining xabar berishicha, 2023-yilning birinchi yarim yilligida respublika bo'yicha voyaga yetmaganlarning jinsiy erkiga qarshi qator jinoyatlar uchun 257 nafar shaxs jinoiy javobgarlikka tortilgan.
Ulardan:
- 15 nafari 14 yoshga yetmagan shaxsning nomusiga tekkani uchun;
- 44 nafari 14 yoshga yetmagan shaxs bilan jinsiy ehtiyojini g‘ayritabiiy usulda qondirgani uchun;
- 163 nafari 16 yoshga yetmagan shaxsning nomusiga tekkani uchun;
- 35 nafari 16 yoshga yetmagan shaxs bilan jinsiy ehtiyojini g‘ayritabiiy usulda qondirgani uchun.