Ijtimoiy himoya milliy agentligi imkoniyati cheklangan shaxslar orasidan vakant lavozimlarga ochiq tanlov eʼlon qildi.
Ijtimoiy himoya milliy agentligi davlat xizmatchilari uchun bo‘sh ish o‘rinlari yagona ochiq portali – vacancy.argos.uz platformasi orqali agentlikning markaziy apparatidagi bo‘sh ish o‘rinlari uchun tanlovning 1-bosqichini eʼlon qildi. Quyida mazkur lavozimlar keltirilgan:
-
Voyaga yetmaganlar uchun ijtimoiy xizmatlarni rivojlantirish va monitoring qilish boshqarmasi bosh mutaxassisi;
-
Ijtimoiy to‘lovlar boshqarmasi yetakchi mutaxassisi;
-
Katta yoshdagilar uchun ijtimoiy xizmatlarni rivojlantirish va monitoring qilish boshqarmasi yetakchi mutaxassisi;
-
Inson resurslarini rivojlantirish va ijtimoiy ish metodologiyasi boshqarmasi bosh mutaxassisi;
-
Inson resurslarini rivojlantirish va ijtimoiy ish metodologiyasi boshqarmasi yetakchi mutaxassisi;
-
Moliya tahlil va rejalashtirish boshqarmasi yetakchi mutaxassisi;
-
Xaridlar boshqarmasi yetakchi mutaxassisi;
Shuningdek, nomzodlarga alohida talablar ham mavjud. Jumladan, nogironligi bo‘lgan shaxslar tibbiy-ijtimoiy ekspert komissiyasi tomonidan rasmiylashtirilgan nogironlik to‘g‘risidagi maʼlumotnomaning kasb va mehnat tavsiyalari yoziladigan qismida ko‘rsatilgan tavsiya asosida tanlovda ishtirok etishi mumkin.