Qayd etilishicha, “Bola huquqlarining kafolatlarini taʼminlash tizimi yana-da takomillashtirilishi munosabati bilan ayrim qonun hujjatlariga o‘zgartish va qo‘shimchalar kiritish to‘g‘risida”gi qonun prezident tomonidan imzolandi.
Mazkur hujjat mazmuniga ko‘ra quyidagi bandlarni o‘z ichiga oladi:
— Jinoiy javobgarlikka tortishning eng kichik yoshi 14 yosh etib belgilanmoqda (amalda 13 yosh);
— 16 yoshgacha bo‘lgan voyaga yetmaganlar bilan moddiy qimmatliklar berish yoxud mulkiy manfaatdor etish orqali jinsiy aloqa qilganlik uchun jinoiy javobgarlik belgilanmoqda va mazkur sohadagi jinoyatlar uchun jazo choralari kuchaytirilmoqda:
Bundan tashqari, (jinsiy aloqa qilish) ozodlikdan mahrum qilish jazosining maksimal muddati 5 yildan 7 yilgacha oshirilmoqda;
— Jinoyat kodeksining 129-moddasi 1-qismida (o‘n olti yoshga to‘lmagan shaxsga nisbatan uyatsiz-buzuq harakatlar qilish) ozodlikdan mahrum qilish jazosi 1 yildan 2 yilgacha ko‘paytirilmoqda.
Sud-tergov jarayonida ham bola huquqlarining protsessual kafolatlarini kuchaytirish choralari ko‘rilmoqda.
Xususan:
— voyaga yetmagan jabrlanuvchi yoki guvohni so‘roq qilishning umumiy davomiyligi kun davomida dam olish va ovqatlanish uchun bir soatlik tanaffusni hisobga olmaganda 4 soatdan oshmasligi belgilanmoqda (amalda – 8 soat).
Eslatib o‘tamiz, avvalroq O‘zbekistonda boquvchisini yo‘qotganlik pensiyasi yoshi 5 yilga uzaytirilishi hamda huquqbuzarlik sodir etgan shaxs yetkazilgan zararni qoplab, jabrlanuvchi bilan yarashsa, javobgarlikdan ozod etilishi mumkinligi haqida xabar berilgandi.
Cho‘lponoy Ahmedova