O‘zbekiston jurnalistlar uyushmasi eʼlon qilgan I milliy maʼruzaning soha rivojiga doir rejalar qismida keltirilishicha, ommaviy axborot vositalarida, jumladan, davlat va nodavlat teleradiokanallarda faoliyat yuritayotgan xodimlarning oylik maoshi (ish haqi) hamda qalam haqi (gonorar)ni bugungi kun talablariga moslashtirgan holda oshirish bo‘yicha takliflar ishlab chiqish va tegishli hujjatlar loyihalarini tayyorlash rejalashtirilmoqda.
Shuningdek, OAV xodimlarini ijtimoiy va huquqiy himoya qilish, ehtiyojmand va bemor, faxriy jurnalistlarni moddiy va maʼnaviy qo‘llab-quvvatlashga qaratilgan ishlar jadallashtiriladi.