Ko&lsquo;ksaroy qarorgohida bo&lsquo;lib o&lsquo;tgan oliy darajadagi muzokaralar yakunlari bo&lsquo;yicha O&lsquo;zbekiston Respublikasi Prezidenti Shavkat Mirziyoyev va Rossiya Federatsiyasi Prezidenti Vladimir Putin ommaviy axborot vositalari vakillari uchun bayonot berdilar.
&nbsp;
Brifingda so&lsquo;zga chiqqan davlatimiz rahbari Vladimir Putinning Rossiya Federatsiyasi Prezidenti lavozimiga qayta saylanganidan keyingi ilk xorijiy tashriflaridan biri bo&lsquo;lgan ushbu tashrifini O&lsquo;zbekistonga va ko&lsquo;p millatli xalqimizga bo&lsquo;lgan alohida munosabat va hurmatning, shuningdek, ikki tomonlama hamkorlikning bugungi yuqori darajasi va O&lsquo;zbekiston-Rossiya munosabatlarini chuqurlashtirishga bo&lsquo;lgan qatʼiy intilishning tasdig&lsquo;i sifatida qabul qilayotganini taʼkidladi.
&nbsp;
&ndash; Rossiya Prezidentining davlat tashrifi &ndash; bu, hech mubolag&lsquo;asiz, ko&lsquo;p qirrali hamkorligimizning yangi davrini boshlab beruvchi tarixiy voqeadir,&nbsp;&ndash; dedi Shavkat Mirziyoyev.
&nbsp;
O&lsquo;zbekiston Prezidenti mazkur sammitga katta tayyorgarlik ko&lsquo;rilganini alohida taʼkidladi. Parlament vakillarining uchrashuvlari, siyosiy maslahatlashuvlar, ikki davlat hukumat delegatsiyalari o&lsquo;rtasidagi o&lsquo;zaro tashriflar samarali o&lsquo;tdi.
&nbsp;
Aprel oyida Toshkentda &ldquo;Innoprom&rdquo; xalqaro ko&lsquo;rgazmasi bo&lsquo;lib o&lsquo;tdi, yuzlab yangi kooperatsiya loyihalari bo&lsquo;yicha kelishuvlarga erishildi.
&nbsp;
Joriy oyda O&lsquo;zbekistonning barcha hududlari rahbarlari ham Rossiya hududlaridagi hamkorlarida tashrif bilan bo&lsquo;ldilar. Yirik muhandislik-texnik universitetlar rektorlari va nufuzli tibbiyot muassasalari rahbarlarining konferensiyalari samarali o&lsquo;tdi. Ayni kunlarda Toshkentda Rus sanʼati haftaligi tadbirlari davom etmoqda.
&nbsp;
Har doimgidek anʼanaviy ochiq, konstruktiv va do&lsquo;stona muhitda o&lsquo;tgan bugungi muzokaralarning natijalari katta mamnuniyat bilan qayd etildi.
&nbsp;
Yetakchilar ikki tomonlama kun tartibining barcha dolzarb masalalarini atroflicha muhokama qilib, delegatsiya aʼzolarining asosiy yo&lsquo;nalishlar bo&lsquo;yicha hisobotlarini tingladilar, xalqaro va mintaqaviy masalalar yuzasidan fikr almashdilar.
&nbsp;
Savdo-iqtisodiy sohada amaliy hamkorlikni kuchaytirishga alohida eʼtibor qaratildi. Tomonlar tovar ayirboshlash hajmini yana-da oshirish zarurligi borasida yakdil fikrga keldilar. Kelgusida 30 milliard dollarlik ko&lsquo;rsatkichga erishish vazifasi qo&lsquo;yildi.
&nbsp;
Davlatlar sanoat kooperatsiyasida jiddiy ilgarilagan. Muzokaralar davomida energetika, neft-kimyo, metallurgiya, mashinasozlik, qishloq xo&lsquo;jaligi, logistika va innovatsion tarmoqlar bo&lsquo;yicha aniq loyihalar ko&lsquo;rib chiqildi.
&nbsp;
Bugungi kunda O&lsquo;zbekistonda 3 mingdan ortiq qo&lsquo;shma korxona muvaffaqiyatli faoliyat ko&lsquo;rsatmoqda. Bundan tashqari, loyihalar portfeli qariyb 45 milliard dollarni tashkil qiladi. Bu galgi tashrif doirasida 20 milliard dollarlik yangi loyihalar bo&lsquo;yicha kelishuvlar imzolangani alohida taʼkidlandi.
&nbsp;
Prezidentimiz kooperatsiyani ilgari surish uchun qo&lsquo;shma Investitsiya platformasi tashkil etilishi haqida eʼlon qildi.
&nbsp;
Hududlararo hamkorlik O&lsquo;zbekiston bilan Rossiya o&lsquo;rtasidagi iqtisodiy va gumanitar hamkorligining haqiqiy harakatlantiruvchi kuchi bo&lsquo;lib borayotgani alohida qayd etildi. Hududlar forumini Prezidentlar raisligidagi Hududlar kengashiga aylantirish bo&lsquo;yicha kelishuvga erishildi, uning birinchi majlisi bugun bo&lsquo;lib o&lsquo;tadi.
&nbsp;
Davlat rahbarlari energetika sohasidagi strategik hamkorlikni kuchaytirish masalasiga alohida to&lsquo;xtalib o&lsquo;tdilar.
&nbsp;
O&lsquo;tgan yili Rossiya tabiiy gazini O&lsquo;zbekistonga yetkazib berish boshlangan edi. Muzokaralar davomida gaz, neft va neft mahsulotlarini yetkazib berish hajmini oshirish, infratuzilmani modernizatsiya qilish va mahalliy korxonalar negizida uglevodorodlarni chuqur qayta ishlash loyihalarini amalga oshirish masalalari muhokama qilindi.
&nbsp;
Mamlakatimizda kam quvvatli atom elektr stansiyasi qurilishi bo&lsquo;yicha loyihani amalga oshirish to&lsquo;g&lsquo;risida bitim imzolandi.
&nbsp;
&ndash; Dunyodagi deyarli barcha yetakchi davlatlar o&lsquo;z energetik xavfsizligi va barqaror rivojlanishini atom energetikasi hisobiga taʼminlamoqda. Agar biz O&lsquo;zbekistonning yangi taraqqiyot bosqichiga chiqish istiqbollari haqida o&lsquo;ylasak, katta miqdordagi uran zaxiralariga ega va uni uchinchi davlatlarga eksport qilayotgan mamlakatimiz uchun bu loyiha hayotiy ahamiyatga ega,&nbsp;&ndash; dedi Prezident Shavkat Mirziyoyev.
&nbsp;
Qishloq xo&lsquo;jaligi, transport va logistika, raqamlashtirish va sunʼiy intellekt sohalarida kooperatsiyani chuqurlashtirish bo&lsquo;yicha aniq rejalar belgilandi.
&nbsp;
Madaniyat va sanʼat, turizm, fan, taʼlim, sog&lsquo;liqni saqlash, yoshlar va sport sohalarida faol aloqalar va almashinuvlar davom ettiriladi. Bugun ushbu ustuvor yo&lsquo;nalishlarda bitim va kelishuvlar to&lsquo;plami qabul qilindi.
&nbsp;
Joriy yilda O&lsquo;zbekistonda Rossiyaning yirik madaniy tadbirlari, jumladan, kino kunlari o&lsquo;tkaziladi. Rossiyada O&lsquo;zbekiston madaniyati kunlari, ko&lsquo;rgazmalar va teatrlarimizning ijodiy safarlari bo&lsquo;lib o&lsquo;tadi.
&nbsp;
Yetakchilar taʼlim va sog&lsquo;liqni saqlash sohalaridagi hamkorlikni rivojlantirish ahamiyatini qayd etdilar. Ikki mamlakat yetakchi universitetlari va tibbiyot muassasalari o&lsquo;rtasida doimiy muloqot va samarali sheriklikni qo&lsquo;llab-quvvatladilar.
&nbsp;
Muhandislik kadrlarini tayyorlash bo&lsquo;yicha qo&lsquo;shma ishlar boshlandi. Bu maqsadda tashkil etilayotgan Toshkentdagi Nikolay Bauman nomidagi Moskva davlat texnika universiteti filiali mamlakatimizda faoliyat yuritayotgan yetakchi Rossiya universitetlarining o&lsquo;n beshinchisi bo&lsquo;ladi.
&nbsp;
Migratsiya sohasidagi hamkorlik masalalari muzokaralarning alohida mavzusi bo&lsquo;ldi. Bu sohada o&lsquo;zaro hamkorlikning samarali mexanizmlari bo&lsquo;yicha kelishuvga erishildi.
&nbsp;
Tashqi siyosiy idoralar o&lsquo;rtasida muntazam maslahatlashuvlarni davom ettirish, mintaqaviy va xalqaro tuzilmalar &ndash; Birlashgan Millatlar Tashkiloti, Mustaqil Davlatlar Hamdo&lsquo;stligi, Shanxay hamkorlik tashkiloti doirasida muloqotni chuqurlashtirish muhimligi tasdiqlandi.
&nbsp;
Anʼanaviy va yangi tahdid va xatarlarga, birinchi navbatda, terrorizm, ekstremizm, uyushgan jinoyatchilik va narkotrafikka qarshi kurashish bo&lsquo;yicha vakolatli organlar va maxsus xizmatlar o&lsquo;rtasida yaqin hamkorlik masalalari O&lsquo;zbekiston va Rossiyaning diqqat markazida qoladi.
&nbsp;
So&lsquo;zining yakunida davlatimiz rahbari muzokaralar natijalaridan juda mamnunligini bildirib, rossiyalik hamkasbiga o&lsquo;zi bilan O&lsquo;zbekistonga Rossiyaning asosiy vazirlik va idoralari, subyektlari rahbarlaridan iborat nufuzli delegatsiyani olib kelgani uchun minnatdorlik bildirdi.
&nbsp;
Rossiya Prezidentining O&lsquo;zbekistonga davlat tashrifi davomidagi sermazmun uchrashuvlar va samarali natijalar ikki tomonlama do&lsquo;stlik, keng qamrovli strategik sheriklik va ittifoqchilik munosabatlarini yana-da mustahkamlashga xizmat qilishi, davlatlararo hamkorlik tarixida yangi bob ochishiga ishonch bildirildi.

O‘zbekistonda kam quvvatli AES quriladi

Bu bo‘yicha loyihani amalga oshirish to‘g‘risida Rossiya bilan bitim imzolandi.

Uch kishining o‘limiga sababchi bo‘lgan haydovchi qamaldi

BMT O‘zbekistonga milliy miqyosda belgilangan hissalarni tayyorlashda yordam beradi

17-noyabr uchun ob-havo prognozi eʼlon qilindi

Piskentda ko‘cha itlari otib tashlandi

O‘zbekistonlik qiz xolavachchasi tomonidan Turkiyaga sotib yuborildi

Afg‘onistondagi so‘nggi yahudiy Isroilga ko‘chib ketdi

O'zbekiston

Kategoriyalar

Bog'lanish uchun

Elektron manzil

Shahodatnoma

Tahririyat manzili

G'oya muallifi