Farmonga ko‘ra, ombudsmanning joylarda doimiy asosda ishlovchi mintaqaviy vakillari lavozimlari joriy qilinadi.
Ombudsman mintaqaviy vakillari, jumladan:
-
inson huquqlari, erkinliklari va qonuniy manfaatlariga rioya etilishini taʼminlaydi, inson huquqlari monitoringini tashkil etadi va o‘tkazadi;
-
fuqarolarning shikoyatlarini qabul qiladi va ko‘rib chiqadi, ularning buzilgan huquqlarini tiklashda ko‘maklashadi.
Ombudsmanning mintaqaviy vakillari o‘zlarining faoliyatida bevosita ombudsmanga hisobdordir.
Farmonga ko‘ra shuningdek, yangi «O‘zbekiston Respublikasi Oliy Majlisining Inson huquqlari bo‘yicha vakili (ombudsman) to‘g‘risida»gi qonun loyihasi ishlab chiqiladi.
Bundan avval Ombudsman vakili yordamida nurobodlik ayol uyli bo‘lgani hamda bola huquqlari bo‘yicha vakilga ayni vaqtda Turkiya davlatida istiqomat qilib kelayotgan hamyurtimiz A.S. tomonidan murojaat kelib tushgani haqida xabar berilgandi.