Ўзбекистонда омбудсманнинг минтақавий вакиллари фаолияти йўлга қўйилади
«Ўзбекистон Республикаси Олий Мажлисининг Инсон ҳуқуқлари бўйича вакили (омбудсман) фаолиятини такомиллаштириш чора-тадбирлари тўғрисида»ги Президент фармони қабул қилинди.
Фармонга кўра, омбудсманнинг жойларда доимий асосда ишловчи минтақавий вакиллари лавозимлари жорий қилинади.
Омбудсман минтақавий вакиллари, жумладан:
-
инсон ҳуқуқлари, эркинликлари ва қонуний манфаатларига риоя этилишини таъминлайди, инсон ҳуқуқлари мониторингини ташкил этади ва ўтказади;
-
фуқароларнинг шикоятларини қабул қилади ва кўриб чиқади, уларнинг бузилган ҳуқуқларини тиклашда кўмаклашади.
Омбудсманнинг минтақавий вакиллари ўзларининг фаолиятида бевосита омбудсманга ҳисобдордир.
Фармонга кўра шунингдек, янги «Ўзбекистон Республикаси Олий Мажлисининг Инсон ҳуқуқлари бўйича вакили (омбудсман) тўғрисида»ги қонун лойиҳаси ишлаб чиқилади.
Бундан аввал Омбудсман вакили ёрдамида нурободлик аёл уйли бўлгани ҳамда бола ҳуқуқлари бўйича вакилга айни вақтда Туркия давлатида истиқомат қилиб келаётган ҳамюртимиз А.С. томонидан мурожаат келиб тушгани ҳақида хабар берилганди.
