Qirg‘iziston huquq-tartibot idoralari xodimlari O‘zbekistonga giyohvand moddalarni olib o‘tish tarmog‘ini yo‘q qildi. Mamlakat Ichki ishlar vazirligi ma’lumotlariga ko‘ra, huquq-tartibot idoralari xodimlari qish faslidan beri maxsus operatsiya o‘tkazmoqda. Qirg‘izistonning Aqsi va Olabuqa tumanlari orqali narkotik moddalar savdosini tashkil qilgan, muqaddam sudlangan To‘qto‘g‘ul tumanida tug‘ilgan, "Yovvoyi" laqabli fuqaro qo‘lga olindi. U uyushgan jinoiy giyohvandlik guruhi a’zosi sifatida Ichki ishlar vazirligining tezkor reyestrida turgan.
Operatsiya davomida 16 kilogrammdan ortiq gashish ham musodara qilindi.
Mazkur holat yuzasidan Qirg‘iziston Respublikasi Jinoyat kodeksining 282-moddasi bilan jinoyat ishi qo‘zg‘atilib, qo‘lga olingan shaxs vaqtinchalik saqlash izolyatoriga joylashtirilgan.