Ijtimoiy tarmoqlarda dunyoning qator davlatlarida koronavirusning "Pirola" nomli yangi shtammi keng tarqalayotgani, mazkur mutatsiya Isroil, Kanada, Daniya, Buyuk Britaniya, Janubiy Afrika, Shvetsiya, Norvegiya, Shvetsariya, Tailand va AQSHda ro‘yxatga olingani haqida xabarlar tarqalmoqda. Holat yuzasidan Sanepidqo‘mita munosabat bildirdi.
Qayd etilishicha, hozirgacha bo‘lgan davrda O‘zbekistonda va qo‘shni davlatlarda koronavirusning ushbu shtammi bilan kasallanganlar qayd etilmagan.
“O‘tkazilgan so‘ngi tahlillar natijasiga ko‘ra, mamlakatimizda kasallanganlarning 100 foizida "omikron" shtammining turli variantlari ekanligi aniqlangan.
Yuqoridagi maʼlumotlardan xulosa qiladigan bo‘lsak, hech qanday xavotirga o‘rin yo‘q, mamlakatimizda epidemik vaziyat barqarorligicha saqlanmoqda”, — deyiladi xabarda.