Ижтимоий тармоқларда дунёнинг қатор давлатларида коронавируснинг «Пирола» номли янги штамми кенг тарқалаётгани, мазкур мутация Исроил, Канада, Дания, Буюк Британия, Жанубий Африка, Швеция, Норвегия, Шветсария, Таиланд ва АҚШда рўйхатга олингани ҳақида хабарлар тарқалмоқда. Ҳолат юзасидан Санепидқўмита муносабат билдирди.
Қайд этилишича, ҳозиргача бўлган даврда Ўзбекистонда ва қўшни давлатларда коронавируснинг ушбу штамми билан касалланганлар қайд этилмаган.
“Ўтказилган сўнги таҳлиллар натижасига кўра, мамлакатимизда касалланганларнинг 100 фоизида "омикрон" штаммининг турли вариантлари эканлиги аниқланган.
Юқоридаги маълумотлардан хулоса қиладиган бўлсак, ҳеч қандай хавотирга ўрин йўқ, мамлакатимизда эпидемик вазият барқарорлигича сақланмоқда”, — дейилади хабарда.