O‘zbekiston Respublikasi Prezidenti huzuridagi Statistika agentligi ma’lumotlariga ko‘ra, 2024 yilning 1 aprel holatiga respublikamizning doimiy aholisi 36 963 262 kishini tashkil etgan. Respublikamizning doimiy aholisi soni o‘tgan yilning mos davri bilan solishtirilganda 2,1 % ga oshgan.
Mamlakatimiz aholisi 2024-yil boshidan buyon 163,5 ming kishiga ko‘paygan. O‘zbekiston aholisi 2024-yilning har bir oyida o‘rtacha 54,5 ming kishiga oshgan.
2024-yilning har bir kunida doimiy aholi soni o‘rtacha 1,8 ming kishiga ko‘paymoqda. Bu ko‘rsatkich avvalgi yillarga nisbatan kamaygan bo‘lib, 2022-yilning har bir kunida doimiy aholi soni o‘rtacha 2,1 ming kishiga ko‘paygani qayd etilgan edi.