O‘zbekistonda olti oy davomida aholi soni qanchaga ko‘paygani maʼlum bo‘ldi. Bu haqda Statistika qo‘mitasi xabar qildi.
Davlat statistika qo‘mitasi maʼlumotlariga ko‘ra, 2021 yilning 1 iyul holatiga respublikaning doimiy aholisi 34 860 170 kishini tashkil etmoqda.
Xususan, shahar joylarda – 17,7 mln kishi, qishloq joylarda – 17,2 mln kishi istiqomat qiladi.
2021 yilning 1 yanvar holatiga ko‘ra, O‘zbekiston aholisi 34 million 558,9 ming kishini tashkil etgan.
1 aprel holatiga ko‘ra esa, O‘zbekistonning doimiy aholisi soni 34 695 600 kishini tashkil etdi. Aholi soni yil boshidan buyon 136 700 kishiga yoki 0,4 foizga ko‘paygan.