Ўзбекистоннинг доимий аҳолиси сони маълум қилинди
Хусусан, шаҳар жойларда – 17,7 млн киши, қишлоқ жойларда – 17,2 млн киши истиқомат қилади.
Ўзбекистонда олти ой давомида аҳоли сони қанчага кўпайгани маълум бўлди. Бу ҳақда Статистика қўмитаси хабар қилди.
Давлат статистика қўмитаси маълумотларига кўра, 2021 йилнинг 1 июл ҳолатига республиканинг доимий аҳолиси 34 860 170 кишини ташкил этмоқда.
Хусусан, шаҳар жойларда – 17,7 млн киши, қишлоқ жойларда – 17,2 млн киши истиқомат қилади.
2021 йилнинг 1 январ ҳолатига кўра, Ўзбекистон аҳолиси 34 миллион 558,9 минг кишини ташкил этган.
1 апрел ҳолатига кўра эса, Ўзбекистоннинг доимий аҳолиси сони 34 695 600 кишини ташкил этди. Аҳоли сони йил бошидан буён 136 700 кишига ёки 0,4 фоизга кўпайган.
