Kecha, 24 fevral kuni Qozog‘istonga 500 dona Starlink moslamalari keltirildi. Bu haqda mahalliy nashrlar yozmoqda.
Qayd etilishicha, yaqin 20 kun ichida yana 1500 dona olinib kelinadi. Ular orqali Qozog‘istonning simli internet yetib borishi qiyin bo‘lgan maktablariga internet yetib boradi.
Maʼlumot uchun, Starlink Ilon Maskning SpaceX kompaniyasi tomonidan taqdim etiladigan yuqori tezlikdagi internet tizimi hisoblanadi. Starlink antennasi bilan yerning istalgan nuqtasida internetga ulanish mumkin.