Bugun Pekinda 2022-yilgi qishki Paralimpiya o‘yinlari o‘z yakuniga yetdi. Qiziqarli va murosasiz o‘tgan bahslar yakuniga ko‘ra, mezbon Xitoy umumjamoa hisobida 1-o‘rinni qo‘lga kiritdi. Ushbu yurt vakillari 18 ta oltin, 20 ta kumush va 23 ta bronza, jami 61 ta medalga sazovor bo‘ldi.
Umumjamoa hisobida kuchli uchlikdan Ukraina (11 ta oltin, 10 ta kumush, 8 ta bronza) va Kanada (8 ta oltin, 6 ta kumush, 11 ta bronza) joy oldi.
Navbatdagi qishki Paralimpiya o‘yinlari 2026 yil Italiyaning Milan va Kortina-d’Ampesso shaharlarida bo‘lib o‘tadi.