Pekin AQSHning USS Benfold esminetsining Tayvan bo‘g‘ozidan o‘tishini provokatsiya sifatida baholadi. Bu haqda Xitoy milliy-ozodlik armiyasining sharqiy hudud jangovar qo‘mondonligi rasmiy vakili Shi I maʼlum qildi.
“19-iyul kuni Amerikaning USS Benfold esminetsi Tayvan bo‘g‘ozidan o‘tdi. Qo‘shma Shtatlar o‘z kuchini ko‘z-ko‘z qilishga harakat qilib, provokatsion harakatlarni amalga oshiradi”, – degan rasmiy vakil.
Shi Ining fikricha, Vashington katta xavfni yaratmoqda. U Xitoy armiyasining sharqiy qo‘mondonligi doimiy jangovar shaylikda ekanini qayd etgan.
Avvalroq Xitoy Tayvan masalasida AQSHga talab qo‘ygandi.