Пекин АҚШнинг USS Benfold эсминецининг Тайвань бўғозидан ўтишини провокация сифатида баҳолади. Бу ҳақда Хитой миллий-озодлик армиясининг шарқий ҳудуд жанговар қўмондонлиги расмий вакили Ши И маълум қилди.
“19 июль куни Американинг USS Benfold эсминеци Тайвань бўғозидан ўтди. Қўшма Штатлар ўз кучини кўз-кўз қилишга ҳаракат қилиб, провокацион ҳаракатларни амалга оширади”, – деган расмий вакил.
Ши Ининг фикрича, Вашингтон катта хавфни яратмоқда. У Хитой армиясининг шарқий қўмондонлиги доимий жанговар шайликда эканини қайд этган.
Аввалроқ Хитой Тайвань масаласида АҚШга талаб қўйганди.