Pokiston ommaviy axborot vositalarining xabar berishicha, mamlakat harbiy-havo kuchlari yaqin kunlarda Xitoy ishlab chiqargan eng so‘nggi avlod J-35 qiruvchi samolyotini qabul qilib oladi.
Ushbu qiruvchi ko‘p funksiyali bo‘lib, zamonaviy radar tizimlari va yashirin harakatlanish (stealth) texnologiyasi bilan jihozlangan. J-35 NATO standartlariga javob bera oladigan qudratli harbiy texnika hisoblanadi.
Bu xarid Pokiston harbiy salohiyatini oshirishga qaratilgan navbatdagi strategik qadamlardan biri bo‘lib, mintaqadagi kuchlar muvozanatiga ham ta’sir ko‘rsatishi mumkin.