Покистон оммавий ахборот воситаларининг хабар беришича, мамлакат ҳарбий-ҳаво кучлари яқин кунларда Хитой ишлаб чиқарган энг сўнгги авлод Ж-35 қирувчи самолётини қабул қилиб олади.
Ушбу қирувчи кўп функцияли бўлиб, замонавий радар тизимлари ва яширин ҳаракатланиш (stealth) технологияси билан жиҳозланган. Ж-35 НАТО стандартларига жавоб бера оладиган қудратли ҳарбий техника ҳисобланади.
Бу харид Покистон ҳарбий салоҳиятини оширишга қаратилган навбатдаги стратегик қадамлардан бири бўлиб, минтақадаги кучлар мувозанатига ҳам таъсир кўрсатиши мумкин.