Pokiston Islom Respublikasining mamlakatimizdagi Favqulodda va Muxtor Elchisi etib Ahmad Faruq tayinlandi. Kecha 13-mart kuni Oʻzbekiston Respublikasi TIV rahbari Baxtiyor Saidov Ahmad Faruqdan ishonch yorliqlari nusxalarini qabul qildi.
Suhbat chogʻida Oʻzbekiston-Pokiston oʻrtasidagi siyosiy muloqot, savdo-iqtisodiy va transport-kommunikatsiya aloqalari, shuningdek, mintaqalararo hamda madaniy-gumanitar almashinuvlarni yanada rivojlantirish boʻyicha takliflar koʻrib chiqildi.
Ikki tomonlama va koʻp tomonlama shakllarda boʻlajak tadbirlarning jadvali hamda tashkiliy jihatlari muhokama qilindi.