Покистон Ислом Республикасининг мамлакатимиздаги Фавқулодда ва Мухтор Элчиси этиб Аҳмад Фаруқ тайинланди. Кеча 13 март куни Ўзбекистон Республикаси ТИВ раҳбари Бахтиёр Саидов Аҳмад Фаруқдан ишонч ёрлиқлари нусхаларини қабул қилди.
Суҳбат чоғида Ўзбекистон-Покистон ўртасидаги сиёсий мулоқот, савдо-иқтисодий ва транспорт-коммуникация алоқалари, шунингдек, минтақалараро ҳамда маданий-гуманитар алмашинувларни янада ривожлантириш бўйича таклифлар кўриб чиқилди.
Икки томонлама ва кўп томонлама шаклларда бўлажак тадбирларнинг жадвали ҳамда ташкилий жиҳатлари муҳокама қилинди.
