Avvalroq Polsha rus gaziga yangi sxema bo‘yicha to‘lov qilishdan bosh tortgan edi. Bunga javob sifatida Rossiya mazkur mamlakatga gaz yetkazishni to‘xtatgan. Endilikda gaz Yamal-Yevropa quvuri orqali Germaniyadan teskari yo‘nalishda Polshaga yuborilmoqda.
“Bu hafta Polsha yangi tartib bo‘yicha Rossiyadan yetkazib beriladigan gaz uchun to‘lovni rublda amalga oshirishdan bosh tortdi. Rossiya gazi endi kerak emasligi va sotib olinmasligi tantanali ravishda e’lon qilindi. Lekin aslida bunday emas. Polsha gazni Germaniya oraqali olmoqda”, — deyiladi “Gazprom” bayonotida.
Eslatib o‘tamiz, 27-aprel kuni “Gazprom” Bolgariyaning “Bulgargaz” va Polshaning “PGNiG” kompaniyalariga energiya uchun to‘lovni rublda amalga oshirmagani uchun gaz yetkazib berishni butunlay to‘xtatganini ma’lum qilgan.