Portugaliya terma jamoasi Millatlar ligasi finalida Ispaniyani penaltilar seriyasida mag‘lub etdi — hisob 3:2.
Asosiy vaqt davomida ispanlardan Martin Subimendi va Mikel Oyarzabal, portugallardan esa Nunu Mendesh va Krishtianu Ronaldu gol urdi. Penaltilar seriyasida esa portugallar aniqroq bo‘lib, 5:4 hisobida g‘alaba qozonishdi.
Portugaliya sardori Ronaldu jarohat tufayli o‘yinni oxirigacha davom ettira olmadi va 88-daqiqada zaxiraga olindi.
Bu Portugaliya uchun Millatlar ligasidagi ikkinchi g‘alaba bo‘ldi. Birinchi marta ular 2019-yilda chempionlikni qo‘lga kiritgan. Ispanlar esa ikkinchi bor finalda mag‘lubiyatga uchradi. Oldinroq ular 2021-yilda Fransiyaga yutqazishgan edi.